इलाका प्रशासन कार्यालय चौरजहारी रुकुम पश्चिमबाट भोलीदेखि राष्ट्रिय परिचयपत्र आवेदन दर्ताको काम सुरु हुने भएको छ । इलाका प्रशासन कार्यालयले आज एक सूचना जारी गर्दै भोलीदेखि राष्ट्रिय परिचयपत्र आवेदन दर्ताको काम सुरु गरिने जानकारी बनाएको हो ।  राष्ट्रिय परिचयपत्र आवेदन दर्ताको लागि कार्यालयमा दर्ता स्टेशन स्थापना गरी सेवा प्रवाह गर्न लागिएको इलाका प्रशासन कार्यालय चौरजहारीका प्रमुख तोषराज केसीले जानकारी दिनुभयो ।

इलाका प्रशासन कार्यालयबाट राष्ट्रिय परिचयपत्रको आवेदन दर्ता हुने भएकाले चौरजहारीबासी जिल्ला सदरमुकाम खलंगा आउनुपर्ने बाध्यता अन्त्य भएको छ । इलाका प्रशासनबाट यसअघि नै नागरिकता, नाबालक परिचय पत्र लगायत अन्य सिफारिस लगायतका कामकाज हुँदै आएको कार्यालयले जनाएको छ ।