रुकुम पश्चिममा पनि विभिन्न कार्यक्रम गरी आज २३ औँ कृष सेन ‘इच्छुक’ स्मृति दिवस मनाउन लागिएको छ । प्रेस सेन्टर जिल्ला शाखा रुकुम पश्चिमको आयोजनामा विभिन्न कार्यक्रम गरी स्मृति दिवस मनाउन लागिएको हो । स्मृति दिवसको अवसरमा विभिन्न पाँच वटा कार्यक्रमको आयोजना गरिएको प्रेस सेन्टर जिल्ला समन्यव समिति रुकुम पश्चिमका अध्यक्ष मनिष खड्काले जानकारी दिनुभयो ।

 उहाँका अनुसार आज विहान ८ बजे जिल्ला कारागारमा रहेका कैदिबन्दिलाई फुलफुल वितरण कार्यक्रमको आयोजना गरिएको छ । त्यस्तै आजै दिउँसो २ बजे  मुसिकोट  नगरपालिका १ खलंगामा रहेको जनविकास पुस्तकालयको सभाहलमा राप्ती साहित्य परिषद जिल्ला शाखाको सहकार्यमा कृष्ण सेन ‘इच्छुक’को स्मृतिमा साहित्यिक कार्यक्रम, साहित्य कार्यक्रम सकिए पश्चात सोही स्थानमा  प्रेस सेन्टर नेपाल मुसिकोटको अधिवेशन हुने छ ।

त्यसैगरी साँझ ७ बजे मुसिकोट  नगरपालिका १ कालिकास्थानमा  दीप प्रज्ज्वलन र भोली विहान ८ बजे प्रेस सेन्टर र प्रेस यूनियनको संयूक्त आयोजनामा पत्रकार बिच मैत्रीपूर्ण फुटबल  प्रतियोगिता आयोजना गरिएको जिल्ला अध्यक्ष खड्काले जानकारी दिनुभयो । कृष्ण सेन ‘इच्छुक’को सम्झनामा हरेक वर्ष प्रेस सेन्टरले केन्द्रदेखि जिल्लासम्म विभिन्न कार्यक्रम गरेर स्मृति  दिवस मनाउने गरेकाे छ ।