नेपाली काँग्रेसको विद्यार्थी सङ्गठन रुकुम पश्चिमले जिल्लाका सबै पालिकामा विपत् पूर्व तयारी संयोजक तोकेको छ । विशेष गरी मनसुनजन्य विपत्को पूर्व तयारीका लागि नेविसंघले जिल्लाका सबै ६ वटै पालिकामा संयोजक तोकेको हाे ।

मुसिकोट नगरपालिकाको संयोजकमा निर्मलजंग खड्‌का, बाँफिकोट गाउँपालिकाको संयोजकमा सुस्तम कुसारी, आठविसकोट नगरपालिकाको संयोजकमा नारायण शर्मा, त्रिवेणी गाउँपालिकाको संयोजकमा शेरबहादुर खड्‌का, चौरजहारी नगरपालिकाको संयोजकमा मदन कामी र सानीभेरी गाउँपालिकाको संयोजकमा प्रकाश वि.सी. रहनुभएको छ ।

संयोजकहरूले विपत् सम्बन्धी जनचेतना अभियान सञ्चालन, आपत्कालीन उद्धार र राहत समन्वय कार्यमा सक्रिय रहने, स्वयंसेवक कामदारहरूको व्यवस्थापन र तालिम र जिल्ला तथा पालिका तहसँग नियमित समन्वय गर्ने छन् ।