रुकुम पश्चिमको बाँफिकोट गाउँपालिकामा एक जना युवाको भिरबाट लडेर मृत्यु  भएको छ । वडा नम्बर १ का ३० वर्षीय अजय मल्लको  गए राती भिरबाट लडेर मृत्यु भएको हो । रुकुम पूर्वको सिस्ने गाउँपालिकाबाट भलिबल खेलेर साथीसँग घर फर्किने क्रममा बाँफिकोट गाउँपालिका २ मुरापाखा डाँडाबाट लडेर मल्लको मृत्यु भएको जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक ॠषि पाठकले जानकारी दिनुभयो ।

उहाँका अनुसार मल्ल १ सय मिटर तल खोल्सामा खसी घाइते भएको अवस्थामा उद्धार गरी बाँफिकोट २ मा रहेको प्राथमिक स्वास्थ्य चौकीमा उपचारको लागि ल्याएको थियो । सामान्य उपचार पश्चात् जिल्ला अस्पताल  सल्ले पठाइएकामा चिकित्सकले मृत्यु घोषणा गरेका हुन ।