कर्णाली प्रदेशले भोली बुधवार सार्वजनिक बिदा दिएको छ । सरकारले प्रदेश स्थापना दिवस तथा सहिद दिवसको अवसरमा साउन ४ गते भोली बुधवार प्रदेश भरमा सार्वजनिक बिदा दिएको हो ।

कर्णाली प्रदेश सरकार मन्त्रिपरिषद्को गत चैत्र १७ गतेको निर्णय अनुसार भोली प्रदेशका सबै १० वटै जिल्लामा सार्वजनिक बिदा दिइएको आन्तरिक मामिला तथा कानुन मन्त्रालयका प्रवक्ता उपसचिव उत्तम गौतमले आज एक सूचना जारी गर्दै जानकारी गराउनुभएको छ । प्रदेश भरका सबै सरकारी कार्यालय तथा सार्वजनिक सङ्घ संस्थाहरूमा सार्वजनिक बिदा रहने सूचनामा उल्लेख गरिएको छ ।