कर्णाली प्रदेश सभा सदस्य तुलसा मल्लले एमाले रुकुम पश्चिमबाट महाधिवेशन प्रतिनिधि छनोट प्रक्रियामा असन्तुष्टि व्यक्त गर्नुभएको छ । ११ औँ महाधिवेशन प्रतिनिधि छनोटका लागि शनिवार निर्वाचन भएको थियो । उक्त निर्वाचनमा महिला कलष्टर तर्फ प्रतिस्पर्धामा रहनुभएकी मल्ल पराजित हुनुभएको थियो ।

आज फेसबुकमा लामो स्ट्याटस लेख्दै उहाँले निर्वाचन प्रक्रियाबारे असन्तुष्टि जनाउनुभएको हो । उहाँले फर्जी मत हालेको गम्भीर आरोप लगाउनुभएको छ । ‘निर्वाचन जसरी नि जित्नुपर्छ । यसरी जितियो भनेर मापन हुँदैन । जित्नेले जित्यो । यो हामीलाई थाहा छ । तर हिजोको हाम्रो पार्टीको राष्ट्रिय महाधिवेशन प्रतिनिधि छनौट पार्टीको आन्तरिक निर्वाचनमा बाँफिकोट गाउँपालिका, मुसिकोट नगरपालिका र चौरजहारी नगरपालिका केही कमरेडहरूले कसैले ५ पटक, कसैले ७ पटक, कसैले २/४ पटक मत उपस्थित नभएका व्यक्तिहरूको मत हाल्नु भयो नि,’ उहाँले फेसबुकमा लेख्नुभएको छ ।

साथै उहाँले यो कला, सीप अब आउने २०८४ को स्थानीय वडा, पालिका, सङ्घ र प्रदेशका आफ्ना नेकपा एमालेका उम्मेदवारलाई विजय बनाउन प्रयोग गर्न र जीत हासिल गर्न आग्रह गर्नुभएको छ । आफू कक्षा ५ देखि नै अनेरास्ववियुमा सङ्गठित भएको स्मरण गर्दै उहाँले आफूलाई पार्टी भित्र जहिले पनि अपमान र अन्याय गर्ने गरेको भन्दै दुःख समेत व्यक्त गर्नुभएको छ ।

आफू प्रदेश सांसद बन्ने बेलामा पनि पार्टी बाटै अन्यायपूर्ण व्यवहार भएको भन्दै उहाँले पार्टी भित्रकै नेताहरूले बधाइ नदिएको गुनासो गर्नुभएको छ । आफूलाई नियोजित रूपमै पार्टी भित्रैबाट पन्छाउने काम निरन्तर भइरहेको उहाँले बताउनुभएको छ । उहाँ पार्टीबाट कर्णाली प्रदेशमा समानुपातिक सांसद हुनुहुन्छ । काठमाडौँमा मंसिर २७ देखि ३० गतेसम्म हुने ११ औँ राष्ट्रिय महाधिवेशन प्रतिनिधिका लागि प्रतिस्पर्धामा रहनुभएकी मल्ले १ सय ११ मत पाउनुभएको थियो ।

मल्लले फेसबुकमा लेखेको स्ट्याटस जस्ताकाे तस्तै ।

हाम्रो पार्टी नेकपा एमालेको ११ औं राष्ट्रिय महाधिवेशन प्रतिनिधि छनौट रुकुम पश्चिमको निर्वाचन मार्फत सम्पन्न भएको छ । प्रतिनिधि छनौटको मापदण्ड पार्टी केन्द्रले तोकेर पठाएको छ ।रुकुमको सन्दर्भमा यि मापदण्ड लागु भएनन ।पार्टी बलियो ।नेताहरु धेरै भएका जिल्लाहरुमा प्रतिनिधि सर्वसहमतिवाट चयन भएका छन ।पार्टी सानो नेताहरु थोरै भएको हाम्रो जिल्लामा एउटा कलस्टर नमिलेको नाममा अरु मिलाउन मिल्ने कलस्टरमा जो नेता हुनुहुन्छ । नेता हुने लाइनमा हुनुहुन्छ जन्मे देखिको बल लगाएर निर्वाचन गराउनु भयो ।तपाइहरुलाइ धन्यवाद ।यो हाम्रो पार्टीको आन्तरिक निर्वाचनले पक्कै हाम्रा वडा,पालिका,प्रदेश,संघ,को अरु पार्टी सग गर्ने निर्वाचनमा पनि विजय प्राप्त गर्नुहुन्छ ।भन्नेमा म ढुक्क छु ।किनकी २०६४ को संविधान सभाको निर्वाचनमा भख्खर जनयुद्व वाट आको विघटित माओवादी केन्द्रले मरेका,विदेश गएकाहरुका उपस्थित भएकाले २० पटक भन्दा बढि मतदान गरेर पहिलो पार्टी बनेको थियो ।त्यसपछिका निर्वाचनमा पनि अलि कम होला तर पुरानै शैली प्रयोग गरेको अवस्था छ ।रुकुममा । २०७९ को संघ र प्रदेशको निर्वाचनमा पनि मेरो गाउपालिका मेरो वडामा ति अमेरिका र अन्य बाहिर गएकाहरुको करिव १२ वटा कार्ड थुतेर निर्वाचनमा खटिएका कर्मचारीहरुलाइ जिम्मा लगाएको थियो ।ति कार्डहरु गत वर्षसम्म नि आफन्तले माग्दै हुनुहुन्थ्यो ।

निर्वाचन जसरी नि जित्नुपर्छ । यसरी जितियो भनेर मापन हुदैन ।जित्नेले जित्यो ।यो हामीलाइ थाहा छ । तर हिजोको हाम्रो पार्टीको राष्ट्रिय महाधिवेशन प्रतिनिधि छनौट पार्टीको आन्तरिक निर्वाचनमा बाफिकोट गाउपालिका,मुसिकोट नगरपालिकाका, र चौरजहारीका नगरपालिका केहि कमरेडहरुले कसैले ५ पटक कसैले ७ पटक कसैले २/४ पटक मत उपस्थित नभएका ब्यक्तिहरुको मत हाल्नु भयो ।नि

यो कला,सिप अव आउने २०८४ को स्थानिय वडा,पालिका,संघ र प्रदेशका आफ्ना नेकपा एमालेका उम्मेदवारलाइ विजय बनाउन प्रयोग गर्नुहोला र प्रयोग गरेर विजय प्राप्त गर्नुहुनेछ ।भन्ने हिजोको तपाइहरुका कला देखेर म विश्वस्त छु ।

मेरो परिवार नेकपा एमाले भएकै कारण मेरो पुजनिय वुवाको मार्गदर्शकले २०५७सालमा कक्षा ५ मा पढ्दा अनेरास्वियुको प्राक कमिटी बाट राजनिति शुरु गरियो ।ब्यक्तिगत निर्णय ,सवै त्यागेर राजनितिलाइ निरन्तरता दिएर म जहा छु ।यो मेरो कर्मको फल हो ।मैले राजनितिक यात्रामा सधै,सवै ठाउमा म अगाडी जानुपर्छ ।म बाहेक कोहि छैन भन्ने भावना राखेन ।बरु सधै अपमानित भएर पार्टीमा निरन्तर लागे अहिले सम्म आफु योग्य हुदा हुदै नि सवै ठाउमा रुकुममा चाउरेको पार्टी अलि फुकोस ठुलो होस भनेर अनेमंघको केन्द्रिय सदस्य हुदा होस ।पार्टीको प्रदेश अधिवेशनको प्रतिनिधि छनौट हुदा होस । या अरु निर्णय हुदा होस निरङ्कुश पनि पार्टीको लागी सहेर बसियो ।म प्रदेश सभाको समानुपातिकमा नाम पठाउदा नि तलवाट मिलेर गएको मेरो नाम हटाउन, आफ्ना आसेपासे नातेदार बनाउन, नेताले नै मेरो नाम हटाए पछि ।२ दिनसम्म मेरै नामका लागी छलफल गरेर अन्य बैठकका सहभागी नेताहरुले मेरो नाम पठाउन दवाव दिए पछि अघिल्लो साझ लेखेको माइनट गमले बन्द गरेर अर्को माइनट उठाएर अरुका हुने नामहरु १/२ हालेर मेरो अन्तिममा पठाको नाम बन्दसुचिमा आउदा केहि मान्छे विरामी परेर जा भेटियो त्यहि वर्वराउथे ।

प्रदेश माननियमा निर्वाचन आयोगले नाम सार्वजनिक गरि दुनियाले बधाइ दिने बेला, रुकुमका केहि नेता,ठुटे नेताहरुले निर्वाचनमा सुर्यमुखि झोला बोकि अर्काको प्रचार प्रसार गरि भनेर मनगन्ठे सोचाइले भरिएकाले आरोप लगाएर कारवाहि गर्न छानविन समिति वनाइ मलाइ स्पष्टिकरण सोधी केन्द्रमा कारवाहिको माग पठाइ मेरो पद खाने सपना बुनेर बसेका थिए ।मेलै उतिवेलै चुनौति दिएको थिए प्रमानित गर भनेर पछि आफै हावा खाए ।

२०७९ पुस ११ गते प्रदेश सभा सदस्यको सपत खाए लगत्तै हाम्रो पार्टी केन्द्रले मिसन ग्रासरुटको अभियान ल्यायो । त्यो अभियाको शुरुमा प्रत्येक जिल्लामा अभिमुखिकरण कार्यक्रम राखेको थियो ।हाम्रो जिल्लामा फागुन ११ गते बहुमुखि क्याम्पस हलमा गरेको थियो । पार्टी केन्द्रिय सदस्यहरुलाइ अन्तर जिल्ला,अन्तर पालिका खटाइएको थियो । त्यहि अभियानमा हाम्रो पार्टी केन्द्रिय कमिटी सचिव योगेश भट्टाइ,केन्द्रिय कमिटीका आदरणीय नेताहरु सि पि घर्ति ,रतननाथ योगी,विष्णु रिजाल सहितका नेताहरु उपस्थित कार्यक्रममा आदरणीय नेताहरुको अनुरोधलाइ वेवस्था गरि जिल्ला कमिटीको सदस्य भनि अपमानित गरेको देख्नुभाको नेताहरु साचि हुनुहुन्छ।यस्ता अपमान त मैलै कैयौ पटक आसु पियर सामना गरेकी छु ।काधमा राखेर बोक्ने त अगाडी नातेदार हुनुपर्ने रहेछ ।

सित्तैमा कहिलेकाहि मुख देखाए नि ५/७ वटा पार्टीका पद पाइने

म भगवान सग कामना गर्छु ।जो बोक्छ त्यसले बोकिरहनु परोस,बोकिमाग्ने बोकिमागिरहनु परोस।

हिजो प्रतिनिधि बोक्ने,बोकाउने झन डरलाग्दो रुपमा देखा परेको छ ।लोकतन्त्र गणतन्त्रको सुन्दर पक्ष भनेको स्वच्छ प्रतिसप्रधा हो ।यसको म सम्मान गर्छु ।तर मिल्ने विषयलाइ नमिलाएर पार्टीमा मदभेद गराउने जो वातावरण हिजोका केहि कमरेडहरुको गतिविधिले देखायो रुकुमको पार्टी उम लगाउने अवस्था देखिदैन । यसको जल्दोबल्दो उदाहरण पालिका अधिवेशनमा मिल्छौ भन्ने ठाउमा चुनाव गराएको र चुनाव गर्नुपर्छ भन्ने ठाउमा जवरजस्ति ढोका लगाएर घोषणा गरेको ताजा छ । यो मुद्वा त पार्टी केन्द्रमा समेत जानकारी छ । यहि फेरि प्रतिनिधि छनौटमा देखा पर्यो ।खैर मैले सवैको सहमतिमै जाने नभए प्रतिसप्रधा गरेर भए नि जाने भनेर मेरो सिनियर नेतालाइ अनुरोध गरेर सहमतिको लागी छोड्न लगाए ।छोडिदिस्यो ।सहमति गर्ने भनेर यसका लागी मेरो आदरणीय,प्रिय दिज्जु रचना मल्ललाइ हृदय देखि धन्यवाद ।म सधै ऋणी हुनेछु ।

हाम्रो जिल्लाको पार्टी सदस्य जम्मा २०६४ मध्धे जम्मा खसेको मत ३५४ मध्ये १११ मेरा मुटुभित्रका मत सम्झिएकि छु ।निस्पक्ष शुद्व मतको आधारमा म आफुलाइ विजय सम्झिरहेकी छु ।किनकी ३५४ मत सम्वन्धित संगठित सदस्यहरुले उपस्थित भएर हालेका मत नै होइनन ति ५/७ पटक वालालाइ प्रष्ट थाहा छ ।होला

यि मैले पाएको मत मेरो लागी सत्यको लामो बाटोमा पुर्याउने मार्गदर्शक बनेका छन राजनिति एकदिनको लागी होइन । सधै समय एकै नासको हुदैन सवै अहिले प्रिय मुटुभित्रका मान्छे सधै प्रिय रहदैनन त्यो इतिहासका कालखण्डले नि सिकाएको छ ।र सधै छलकपटमा भविष्य हुन्छ ।भन्ने नि छैन ।किनकी रुकुम जस्तो पार्टी संगठन भएको ठाउमा आजसम्म भएनि सहमति गर्नुहुन्छ,गराउनुहुन्छ नेताहरुले भनेर म विस्वस्त थिए ।त्यस कारण नि मैले कुनै एउटा मतदातालाइ फोन गरेर सदरमुकाम बोलाएर गाडी रिजभ गरेर पैसा खर्च गरेर कसैलाइ नि बोलाएन । नआएका मतदाताहरुका जादै मत हाल्दै गरेन र केहि भुगोलको नैतिककताको आधारमा निर्वाचन कमिटीमा खटिएका आदरणीय सर कमरेडहरुको ब्यवहार निर्वाचनमा जसले नि जसको मत हाल्न पाउने,सम्वन्धित संगठन मतदाताको परिचय खुल्ने प्रमाण चाहिनु नपर्ने मैले थाहापाउने भएदेखि यो अनौठो निर्वाचन भएको पहिलो चोटी देखे जा जे भए नि मैले भुगोलको कारणले नि धर्म हार्नु हुदैन भनेर यि सवै दृश्य देखेर अनदेखा गरे तर भुगोलको महसुस नगर्नेलाइ यिनलाइ यि सव कुरा वायत लाग्छन होला ।खैर जा जे जति अपमानित भए नि मैले कहिल्यै कतै प्रकट गरेन । वारम्वारका ब्यवहारले यि कुराहरु प्रष्ट पार्न बाध्यता भयो ।यस्ता थुप्रै अपमानित भएका क्षणहरु र माथी उल्लेखित क्रियाकलापको बारेमा बैठकमै बहस गरौला र अव गर्न जरुरी छ । खैर बाहिर हाम्रो पार्टी ठुलो छ । भनेर धोक्रो सुक्ने गरी हामी भाषण दिन्छौ । ढाट,ठग कुरा गर्छौ । यहि हिजोको पारामै हिड्ने हो भने हालत के होला पार्टीको जिम्मेवारीमा रहेकाले बुझेनन ।पार्टी त अव ८४ को निर्वाचनमा ठुलो चाहिने होला? यसको केहि जिम्मा मैले लिन्छु तर झन ठुला र मस्तै जिम्मेवारीमा बसेकाले महसुस गरेनन र गर्दैनन निस्तेजको राजनितिले अर्कालाई मात्रै होइन सिङगो पार्टीलाइ असर गर्छ भन्ने हेक्का राखेर निर्णयमा वसेकाले महसुस गर्ने हो ।बढने होइन घट्ने क्रम जारी छ कुनै अरु पार्टीवाट आकालाइ पुरै निस्तेज,अपमान,आउछ को बढ्छ ।हामी त जति अपमानित भए नि पार्टी र संगठनको लागी सहेर बसेका छम यो शक्ति सवैमा हुदैन ।खैर पार्टी संगठनका लागी उर्जाशिल समय ब्यतित गरियो ।अझै निरन्तर लागिरहने हो सके,सिके,अनुभव भएजति पार्टीमा लगानी जा जुन अवस्थामा भए पनि गर्ने हो ।

अन्तमा निर्वाचनवाट निर्वाचित महाधिवेशन प्रतिनिधि कमरेडहरुलाइ हार्दिक बधाई तथा शुभकामना ब्यक्त गर्दछु