सत्तारुढ राष्ट्रिय स्वतन्त्र पार्टी रुकुम पश्चिमले जिल्लाका सबै पालिकाका अधिवेशन सम्पन्न गरेको छ । जिल्ला अधिवेशनलाई लक्षित गर्दै रास्वपा रुकुम पश्चिमले जिल्लाका ६ वटै पालिकामा अधिवेशन सम्पन्न गरेको हो । 

अधिवेशनबाट तीन गाउँपालिका र तीन नगरपालिकाले नेतृत्व पाएको रास्वपा रुकुम पश्चिमका सभापति मानबहादुर शाहीले जानकारी दिनुभयो । उहाँका अनुसार बिहीबार मुसिकोटको अधिवेशन सम्पन्न भएसँगै पालिका अधिवेशन सकिएको हो । 

सबै पालिकामा सर्वसम्मत नेतृत्व चयन भएको उहाँले बताउनुभयो । मुसिकोटको सभापतिमा बिरबल केसी निर्वाचित हुनुभएको छ भने चौरजहारी नगरपालिकाको सभापतिमा प्रवीण बुढाथोकी र आठबिसकोट नगरपालिकाको सभापतिमा केशव मल्ल निर्वाचित हुनुभएको छ ।

त्यस्तै सानीभेरी गाउँपालिकाको सभापतिमा रमेश बाँठामगर, बाँफिकोट गाउँपालिकाको सभापतिमा बालकृष्ण गौतम र त्रिवेणी गाउँपालिकाको सभापतिमा गणेश खत्री निर्वाचित भएको जिल्ला सभापति शाहीले बताउनुभयो । 

जिल्लामा उत्साहपूर्ण वातावरणमा पालिका अधिवेशनहरू सम्पन्न भएको उहाँले बताउनुभयो । रास्वपाका निकै राम्रो आकर्षण देखिएको उहाँले बताउनुभयो । पुराना दल देखि आजित भएकाहरू रास्वपाका सङ्गठित भइरहेको उहाँले बताउनुभयो । 

रास्वपा रुकुम पश्चिमकाे जिल्ला अधिवेशन आज हुँदै छ । मुसिकाेटमा हुने प्रथम अधिवेशनले नयाँ नेतृत्व चयन गर्ने छ । बिहान १० बजेपछि बालमन्दिरमा अधिवेशन सुरु हुने रास्वपाका जिल्ला सभापति मानबहादुर शाहीले जानकारी दिनुभयाे ।

यी हुन पालिकाका पदाधिकारी