रुकुम पश्चिमको बाँफिकोट गाउँपालिका–३ र ४ जोड्ने बालुवाचौरस्थित तिल्चाखोला सडक पुल निर्माण सम्पन्न भएको छ । निर्धारित समयभन्दा अगावै पुल निर्माण सम्पन्न भएपछि बुधबार पुलको  उद्घाटन गरिएको गरिएको हो । एक कार्यक्रमका विच भौतिक पूर्वाधार तथा शहरी विकास मन्त्री मिलन खड्का रोकाले रिबन काटेर पुलको उद्घाटन गर्नुभएको हो ।  पुल निर्माणका लागि २०८२ साल असार २० गते सम्झौता भएको थियो । सम्झौताअनुसार निर्माण सम्पन्न गर्नुपर्ने २०८४ साल असार २० गते रहे पनि निर्माण व्यवसायीले २०८३ साल असोज ८ गते नै काम सम्पन्न गरेको पूर्वाधार विकास कार्यालय चौरजहारी रुकुम पश्चिमका कार्यालय प्रमुख रामचन्द्र विसीले जानकारी दिनुभयो । उहाँका अनुसार पुल निर्धारित समयभन्दा करिब ९ महिनाअघि नै पुल निर्माण सम्पन्न भएको हो । पुल निर्माणको कुल लागत ८ करोड ६९ लाख २७ हजार ९ सय २४ रुपैयाँ ९८ पैसा रहेको उहाँको भनाइ छ । पुल निर्माणको जिम्मा ज्वालामुखी÷हिमशिखर हिरा जेभी, काठमाडौं–१०, नयाँबानेश्वरले लिएको थियो ।

समयअगावै काम सम्पन्न गरेको भन्दै मन्त्री रोकाले निर्माण व्यवसायीलार्ई धन्यवाद दिनुभयो । उहाँले विकास निर्माणका आयोजना तोकिएको समयमै सम्पन्न गर्न निर्माण व्यवसायीको महत्वपूर्ण भूमिका रहने बताउनुभयो । मन्त्री रोकाले आफ्नै गृहजिल्लामा काम नगर्ने निर्माण व्यवसायीको ठेक्का तोड्ने प्रक्रिया सुरु गर्ने चेतावनी समेत दिनुभयो । उहाँले पहिलो चरणमा निर्माण व्यवसायीलाई काममा फर्काउन पहल गरिने र त्यसपछि पनि काम अघि नबढाए ठेक्का तोड्ने प्रक्रिया अघि बढाइने बताउनुभयो । कर्णाली प्रदेशमा रहेका १९ वटा रुग्ण आयोजनामध्ये रुकुम पश्चिममा पनि एउटा आयोजना रुग्ण अवस्थामा रहेको उहाँले उल्लेख गर्नुभयो । रुकुम पश्चिमको छेडावगर पक्की पुल निर्माण आयोजना रुग्ण अवस्थामा रहेको बताउँदै उहाँले उक्त आयोजनाको ठेक्का २०७८ असार २४ गते सम्झौता भएको र निर्माण सम्पन्न गर्नुपर्ने अन्तिम म्याद २०८३ वैशाख २८ गते सकिएको पनि कामले गति नलिएको बताउनुभयो ।

रुग्ण आयोजनाका विषयमा मन्त्रालय गम्भीर रूपमा लागेको भन्दै मन्त्री रोकाले अब काम नगर्ने निर्माण व्यवसायीलाई छुट नदिइने स्पष्ट पार्नुभयो ।  काममा लापरबाही गर्ने निर्माण व्यवसायीलाई आवश्यक प्रक्रियामार्फत कारबाही गरिने बताउनुभयो । मन्त्रालयका सचिव अर्जुनकुमार बमले केही निर्माण कम्पनीहरुका कारण कर्णाली प्रदेशमा विभिन्न १९ वटा योजनाहरु रग्ण भएको बाउँदै समयअगाबै काम सम्पन गर्ने निर्माण कम्पनीलाइ धन्यवाद ज्ञापन गुुर्नभयो । यहाँ समय अगावै काम सम्पन्न भएको छ त्यसमा मन्त्रालयको तर्फबाट धन्यावाद छ, अन्य काम अलपत्र पार्ने निर्माण व्यवसायिलाई भने मन्त्रालयले गम्भीर रुपमा लिएको छ उहाँले भन्नुभयो । केहि समयभित्र ति आयोजनाहरुको काम नगर्ने पार्ने निर्माण व्यवसायिसँग छलफल समेत गरिने उहाँको भनाइ थियो ।

पुल पुल निर्माण सम्पन्न भएपछि बाँफीकोट गाउँपालिका–३ र ४ का स्थानीयवासीलाई आवतजावतमा सहज हुने अपेक्षा गरिएको  छ ।  उद्घाटन कार्यक्रममा उद्घाटन कार्यक्रममा कर्णाली प्रदेश भौतिक पूर्वाधार तथा शहरी विकास मन्त्री रोका, उद्योग पर्यटन, वन तथा वातावरण मन्त्री कल्याणी खड्का, पूर्व मन्त्री महेन्द्र केसी, प्रमुख जिल्ला अधिकारी निशानराज गौतम, विभिन्न राजनितिक दलका प्रमुख तथा प्रतिनिधि लगायत स्थानीयहरुको उपस्थित रहेको थियो ।