डालिवाङमा सामुदायिक स्वास्थ्य इकाई संचालनमा

स्थानीय सरकार

Home
स्थानीय सरकार
डालिवाङमा सामुदायिक स्वास्थ्य इकाई संचालनमा

डालिवाङमा सामुदायिक स्वास्थ्य इकाई संचालनमा

बलबहादुर खत्री मंगलबार, फागुन २३, २०७९

सामुदायिक स्वास्थ्य इकाई उद्घाटन गर्दै गाउँपालिका अध्यक्ष हाेमप्रकाश श्रेष्ठ ।

रुकम पूर्वको भूमे गाउँपालिका वडा नम्बर ५ डालिवाङमा सामुदायिक स्वास्थ्य इकाई उद्घाटन गरिएको छ । आईतबार एक कार्यक्रमका विच भूमे गाउँपालिका अध्यक्ष होमप्रकाश श्रेष्ठले सामुदायिक स्वास्थ्य इकाइको उद्घाटन गर्नुभएको हो । जिल्ला अस्पताल रुकुमकोटबाट सेवा लिइरहेका डालिवाङवासीलाई अब सहज हुने भएको छ ।

पहिला सामान्य देखि जटिल खालका समस्या हुदा पनि जिल्ला अस्पताल रुकुमकोट जानु पर्ने बाध्यता रहेको र अव भने गाउँमै स्वास्थ्य संस्था खुलेपछि सहज हुने विश्वास भूमे ५ डालिबाङकी थकुकुमारी परियाले व्यक्त गर्नुभयो । सिटामोल खानको लागि पनि आफु धेरै पटक जिल्ला अस्पताल पुगेको उहाँको भनाई छ ।

अब गाउँमै स्वास्थ्य सेवा पाइने भन्दै स्थानीय हर्षित भएको वडा अध्यक्ष टेकप्रसाद बुढाले बताउनुभयो । स्वास्थ्य इकाइको उद्घाटन गर्दै गाउँपालिका अध्यक्ष श्रेष्ठले अब डालिवाङवासीले गाउँमै स्वास्थ्य सेवा पाउने बताउनुभयो । गाउँपालिका सम्पूर्ण गाउँपालिकावासीले गाउँमै सेवा पाउन भनेर लागिपरेको बताउँदै उहाँले त्यसै अन्तर्गत डालिबाङमा सामुदायिक स्वास्थ्य इकाई उद्घाटन गरिएको उहाँको भनाई छ ।

यहाँ प्रसूती गृह पनि संचालनमा ल्याउने योजना रहेको उहाँले बताउनुभयो । सामुदायिक स्वास्थ्य इकाईबाट आईतबार देखि नै सेवा सुरु भइ सकेको छ । अहिले अहेव सन्तोष ओलीले बिरामीलाई सेवा दिनु रहनु भएको छ ।

प्रकाशित मिति: मंगलबार, फागुन २३, २०७९ १३:०८

प्रतिक्रिया दिनुहोस्