मुसिकोट ६ को वडा कार्यालय भवन उद्घाटन

वडा

Home
वडा
मुसिकोट ६ को वडा कार्यालय भवन उद्घाटन

मुसिकोट ६ को वडा कार्यालय भवन उद्घाटन

कखरा संवाददाता सोमबार, वैशाख २५, २०८०

वडा कार्यालय भवन उद्घाटन गर्दै जनार्दन शर्मा ।

रुकुम पश्चिमको मुसिकोट नगरपालिका वडा नम्बर ६ को वडा कार्यालय भवन उद्घाटन गरिएको छ । निर्माण सम्पन्न भएपछि आज प्रतिनिधि सभा सदस्य तथा पूर्व अर्थमन्त्री जनार्दन शर्मा प्रभाकरले रिवन काटेर भवनको उद्घाटन गर्नुभयो । एक कार्यक्रमका विच भवनको उद्घाटन गरिएको वडा कार्यालयले जनाएको छ । कुल ३६ लाख बजेटमा भवन निर्माण भएको हो । भवन दुई तलाको रहेको छ । पहिलो तलामा ४ कोठा र माथिल्लो तलामा बैठक हल तथा शौचालय रहेको वडा सदस्य अनिल बुढाले जानकारी दिनुभयो ।

भवन एडिवि निर्माण सेवा एण्ड सप्लायर्सले निर्माण गरेको हो । उक्त भवन हालको वडा कार्यालय नजिकै भण्डारीकाँडामा रहेको छ । भवन निर्माण भएपछि सेवा प्रवाहमा सहज हुने वडा सदस्य बुढाको विश्वास छ । अहिले साँघुरो र जिर्ण भवनबाट सेवा दिँदा अप्ठेरो भइरहेकोमा अव भने सहज हुने विश्वास गरिएको छ । उद्घाटन कार्यक्रमको अवसर पारी २ जना जग्गादातालाई सम्मान पनि गरिएको छ । भवन निर्माणका लागि स्थानीय प्रेमबहादुर बोहरा र मोहन बोहराले १८ सय वर्गमिटर जग्गा दान गर्नुभएको थियो ।

भवन उद्घाटन गर्दै प्रतिनिधि सभा सदस्य तथा पूर्वमन्त्री शर्माले जनताको भावना अनुसार काम गर्न र सहज सेवा प्रवाह गर्न आग्रह गर्नुभएको छ । भवन निर्माण भएपछि सेवा प्रवाह गर्न सहज हुने विश्वास व्यक्त गर्दै उहाँले जनमुखि भएर काम गर्न जनप्रतिनिधि तथा कर्मचारीलाई आग्रह गर्नुभयो । वडाध्यक्ष भानु मल्लको अध्यक्षतामा उद्घाटन कार्यक्रम भएको थियो ।

जग्गादाताहरु ।

कार्यक्रममा प्रदेश सभा सदस्य महेन्द्र केसी, नेकपा माओवादी केन्द्रका केन्द्रीय सदस्य बसन्तकुमार शर्मा, गाेपाल शर्मा, जिल्ला संयोजक गोविन्द रोका सचिन, आठबीसकोट नगरपालिकाका पूर्व नगर प्रमुख गोर्खबहादुर केसी, सानीभेरी गाउँपालिकाका पूर्व अध्यक्ष नरबहादुर पुन लगायतको आतिथ्यता रहेको थियो । कार्यक्रमको संचालन वडा सचिव युवराज खड्काले गर्नुभएको थियो ।

प्रकाशित मिति: सोमबार, वैशाख २५, २०८० ११:४८