लाखे जात्रा सम्पन्न (फाेटाे फिचर)

समाज

Home
समाज
लाखे जात्रा सम्पन्न (फाेटाे फिचर)

लाखे जात्रा सम्पन्न (फाेटाे फिचर)

कखरा संवाददाता शुक्रबार, भदौ २२, २०८०

लाखे जात्रा यो वर्ष पनि रुकुम पश्चिममा धुमधामका साथ मनाइएको छ । हरेक वर्ष गाँठे मंगल देखि श्रीकृष्ण जन्माष्टमिको भोलिपल्टसम्म चल्ने परम्परागत लाखे जात्रा बिहिबार सकिएको छ । कंसलाई कुखुरा भोग दिएर शुरु गरिएको लाखे जात्रा श्रीकृष्णाष्टमीको भोलीपल्ट बिहिबार कंसलाई नै मारेर समापन गरिएको हो । बोकालाई कंस मानेर बलि दिएपछि लाखे नाचको औपचारिक समापन भएको मानिन्छ ।

Lakhe (9)1694147615.jpg

मुसीकोट १ खलंगाको बराहटाकुरारामा कंसलाई मारेर लाखे नाच समापन गरिएको लाखे नाच संरक्षण समितिका अध्यक्ष चुडामणी नेपालीले जानकारी दिनुभयो । द्धापरयुगको अन्त्यतिर वासुदेव र देवकीको आठौं गर्भबाट विष्णुको आठौं अवतारका रुपमा जन्मिएका श्रीकृष्णले कंसलाई मारेको सम्झनामा रुकुम पश्चिममा २०४० सालदेखि हरेक वर्ष लाखे जात्रा मनाउँदै आइएको छ ।

Lakhe (3)1694147658.jpg

भगवान कृष्णलाई मार्न कंसले बहिनी पुतनालाई प्रयोग गरेको र पुतनाको मृत्युको कामना गर्दै राक्षसको स्वरुपमा सजिएर रुकुममा हरेक वर्ष लाखे नाच्ने परम्परा रही आएको छ । कंसलाई मार्नु अघि श्रीकृष्ण सहित राक्षसको स्वरुपमा बनाइने खप्पर, कालिकाको वस्त्रसहित व्यक्तिलाई श्रृंगारेर नचाउँदै वजार परिक्रममा गराईन्छ ।

Lakhe (8)1694147703.jpg

यसअघि जनैपूर्णीमा (रक्षाबन्धन) देखि खलंगा बजार र असपासका ठाउँमा लाखे नाच्दै भेटी संकलन समेत गर्ने गरिन्छ । उक्त भेटी समापन कार्यक्रममा खर्च गर्ने गरिएको संरक्षण समितिका अध्यक्ष नेपालीले बताउनुभयो । लाखे नाच हेर्न बिहिबार गाउँ–गाउँबाट सर्वसाधारण सदरमुकाममा पुगेका थिए ।

Lakhe (7)1694147739.jpg