भूमेमा झण्डै ५० करोडको बजेट विनियाेजन (पूर्णपाठ सहित)

स्थानीय सरकार

Home
स्थानीय सरकार
भूमेमा झण्डै ५० करोडको बजेट विनियाेजन (पूर्णपाठ सहित)

भूमेमा झण्डै ५० करोडको बजेट विनियाेजन (पूर्णपाठ सहित)

कखरा संवाददाता बिहीबार, असार १०, २०७८

बजेट पेश गर्दै उपाध्यक्ष विष्ट ।

रुकुम पूर्वको भूमे गाउँ सभामा झण्डै ५० करोडको बजेट पेश भएको छ । उपाध्यक्ष मनकुमारी बुढा विष्टले विहीबारको गाउँ सभामा पेश गरेको आर्थिक बजेट वक्तव्यमा आर्थिक वर्ष २०७८/०७९ लागि ४९ करोड ९१ लाख ८ सय ८१ रुपैयाँ विनियोजन गरिएको छ । कुल विनियोजनमध्ये चालुतर्फ २९ करोड ५९ लाख ७५ हजार पाँच सय एक अर्थात ५९ दशमलव २५ प्रतिशत र पूँजीगततर्फ २० करोड ३४ लाख छ हजार तीन सय असी अर्थात ४० दशमलव ७५ प्रतिशत बजेट विनियोजन गरिएको छ ।

आन्तरिक राजश्वबाट ६१ लाख ७८ हजार, राजस्व बाँडफाँडबाट ८ करोड २९ लाख ५२ हजार सात सय तीस तथा गत वर्षको अनुमानित मौज्दात २ करोड ५० लाख गरी आन्तरिक आयबाट जम्मा ११ करोड ४१ लाख ३० हजार सात सय तीस अर्थात २२ दशमलव ८६ प्रतिशत आय व्यहोर्ने उल्लेख छ । यस्तै वित्तीय समानीकरण अनुदानबाट ११ करोड ९५ लाख ७० हजार अर्थात् २३ दशमलव ९५ प्रतिशत, सःशर्त अनुदानबाट २० करोड ४७ लाख ७० हजार अर्थात ४१ दशमलव ०२ प्रतिशत र स्थानीय जनसहभागिताबाट ५३ लाख ३७ हजार आठ सय अर्थात एक दशमलब ०७ प्रतिशत व्यहोरिने छ ।

अन्तरसरकारी वित्तीय हस्तान्तरण र राजस्व बाँडफाँड तथा आन्तरिक आय परिचालन गर्दा पनि नपुग हुने रकम ८० लाख आन्तरिक ऋणबाट व्यहोर्ने गरी बजेट विनियोजन गरिएको छ । आर्थिक वर्ष २०७८÷०७९ का लागि गैरसरकारी संस्थाहरुको कार्यक्रम समेत ७ करोड ५ लाख ७८ हजार बराबरको वार्षिक कार्यक्रम सहित गाउँ सभामा बजेट प्रस्ताव प्राप्त भएको छ । उक्त बजेट रकम गाउँपालिकाको वार्षिक विकास कार्यक्रममा समावेश गरी प्रकाशन गर्ने गरी व्यवस्था मिलाइएको उक्त बक्तव्यमा उल्लेख छ ।

प्रकाशित मिति: बिहीबार, असार १०, २०७८ १८:५०

प्रतिक्रिया दिनुहोस्