त्रिवेणी गाउँ कार्यपालिकामा पनि माओवादीका उम्मेदवार निर्विरोध

स्थानीय सरकार

Home
स्थानीय सरकार
त्रिवेणी गाउँ कार्यपालिकामा पनि माओवादीका उम्मेदवार निर्विरोध

त्रिवेणी गाउँ कार्यपालिकामा पनि माओवादीका उम्मेदवार निर्विरोध

बलेन्द्र ओली मंगलबार, जेठ १०, २०७९

त्रिवेणी गाउँ कार्यपालिकामा निर्वाचितहरु ।

रुकुम पश्चिमको त्रिवेणी गाउँपालिकाको गाउँ कार्यपालिकाले पूर्णाता पाएको छ । निर्वाचित गर्नुपर्ने ४ महिला र २ अल्पसंख्य तथा दलित कोटाबाट गरी जम्मा ६ जना त्रिवेणी गाउँ कार्यपालिकामा निर्वाचित भएका हुन् । ४ महिला कोटामा २ नम्बर वडा बाट देवकुमारी बुढाथोकी ५ नम्बर वडा बाट विष्णु सुनार ६ नम्बर वडा बाट चादनी पुन र ७ नम्बर वडा बाट प्रेमा ओली कार्यपालिका सदस्य बनेका छन् । अल्पसंख्यकबाट वडा नम्बर ८ का लक्ष्मण कामी र दलितबाट वडा नम्बर ९ का जनककुमार विश्वकर्मा कार्यपालिकामा निर्वाचित भएका हुन् ।

यी ६ जना कार्यपालिकामा मनोनित भएका नेकपा माओवादी केन्द्रका उम्मेदवार हुन् । कार्यपालिका सदस्यमा मनोनित भएका ६ जना नै निर्विरोध निर्वाचित भएको निर्वाचन अधिकृतकोे कार्यालय त्रिवेणीले जनाएको छ । अरु कसैको उम्मेदवारी नपरेपछि उनिहरु निर्विरोध निर्वाचित भएका हुन् । गाउँपालिकाका सबै पदाधिकारीले सपथ ग्रहण गरेर पदभार समेत ग्रहण गरिसकेका छन् । १८ जना गाउँ कार्यपालिकामा नेपाली कांग्रेसका ४ र माओवादी केन्द्रका १४ जना सदस्य रहेका छन् ।

प्रकाशित मिति: मंगलबार, जेठ १०, २०७९ १५:५०