पशुचौपायाको उपचार

समाज

Home
समाज
पशुचौपायाको उपचार

पशुचौपायाको उपचार

कखरा संवाददाता शनिबार, कात्तिक १९, २०७९

पशुपौपायालाई खोप दिइँदै ।

रुकुम पूर्व पुथाउत्तरगंगा गाउँपालिकाको सहकार्यमा युएमएन रुकुम पूर्व कलस्टरको आर्थिक सहयोग र नेपाल मगर समाज सेवा तथा सूचना केन्द्र (मिक नेपाल) रुकुमको प्राविधिक सहयोगमा पशुचौपायाको उपचार गरिएको छ । पुथाउत्तरगंगा–११ मा भेडा–बाख्राको औषधि उपचार गरिएको हो ।

मिक नेपाल रुकुम मार्फत सञ्चालित स्थानीय परम्परागत ज्ञानको स्तरउन्नतिको लागि रूपान्तरण परियोजना अन्तर्गतको कार्यक्रम मार्फत किसानका पशुचौपायाको औषधि उपचार गरिएको परियोजनाका फिल्ड सुपरभाइजर श्रीकुमार बिएमले कखरालाई जानकारी दिनुभयो । कात्तिक १५ र १६ गते गरी दुई दिनमा पुथाउत्तरगंगा– ११ का १० घरपरिवारका भेडा–बाख्रा पालक कृषकको करिब ६ सय १४ वटा भेडा–बाख्राको औषधि उपचार गरिएको बिएमले बताउनुभयो ।

विशेष गरी भेडा–बाख्रामा लाग्ने रोग लुतो, टाउको सुनिने, जुका, पखला लाग्ने, निमोनिया जस्ता रोग न्यूनिकरणका लागि केहीलाई प्रतिरोधात्मक क्षमता बृद्धिका लागि खोप र कुनैलाई औषधि खुवाउनुका साथै औषधि वितरण गरिएको छ ।
समयमै कृषकले ध्यान नदिदा विभिन्न प्रकारका रोग संक्रमणका कारणले हरेक वर्ष भेडा–बाख्रा मृत्यु हुने समस्या रहेको छ । समस्या पहिचान गरी उपचार र चेकजाँच सहितको औषधि प्रदान गर्दा कृषकले खुसी व्यक्त गरेका छन् ।

प्रकाशित मिति: शनिबार, कात्तिक १९, २०७९ १९:४८