सिस्ने ८ का जेष्ठ नागरिकलाई अल्लाेकाे बर्की वितरण

वडा

Home
वडा
सिस्ने ८ का जेष्ठ नागरिकलाई अल्लाेकाे बर्की वितरण

सिस्ने ८ का जेष्ठ नागरिकलाई अल्लाेकाे बर्की वितरण

बलबहादुर खत्री बुधबार, माघ ११, २०७९

रुकुम पूर्वको सिस्ने गाउँपालिका वडा नम्बर ८ ले जेष्ठ नागरिकलाई सम्मान गरेको छ । आज वडा कार्यालय धपेमा एक कार्यक्रमको आयोजना गरि जेष्ठ नागरिकलाई सम्मान गरिएको हो । वडाका ९२ जना जेष्ठ नागरिक मध्य ७२ जनालाई सम्मान स्वरुप अल्लोबाट उत्पादित बर्की वितरण गरिएको छ । बाँकी २० जनालाई आउँदो दिनमा वितरण गरिने वडाले जनाएको छ ।

वडाको वार्षिक कार्यक्रम अन्तर्गत जेष्ठ नागरिकलाई सम्मान गरिएको वडा अध्यक्ष गोपाल पुनले कखरालाई जानकारी दिनुभयो । वडाको एक लाख रकमबाट बर्की खरिद गरिएको अध्यक्ष पुनले बताउनुभयो ।

वडा अध्यक्ष पुनको अध्यक्षता रहेको कार्यक्रममा सिस्ने गाउँपालिका अध्यक्ष कृष्ण रेक्मी, उपाध्यक्ष गोपाल रेउले, जिल्ला समन्वय समिति सदस्य विन्दु रावल, पत्रकार लगायतको उपस्थित रहेको थियो । कार्यक्रमको सञ्चालन वडा सचिव खड्गबहादुर पुनले गर्नु भएको थियो ।

प्रकाशित मिति: बुधबार, माघ ११, २०७९ १७:३७