रुकुम पश्चिमको मुसीकोट नगरपालिकाका वेरोजगार युवा तथा अति विपन्न, द्धन्दपिडित तथा अपांगहरु रोजगारीमा जोडिदै छन् । उनिहरुलाई नगरपालिकाले कृषि मार्फत रोजगारीमा जोड्दै छ । जसका लागि नगरपालिकाले तरकारी खेति र च्याउँ खेतिका लागि सहयोग गरेको छ । विदेशबाट फर्किएका र कृषि प्राविधिक पढेर वेरोजगार बसेका तथा अति विपन्न, द्धन्द पिडित र अपांगहरुलाई नगरपालिकाले तरकारी र च्याउ खेतिका लागि आवश्यक विभिन्न सामग्रिहरु सहयोग गरेको छ । यसबाट ७५ जनाका लागि रोजगारी सृजना हुँदै छ ।
नगरको युवा स्वरोजगार कार्यक्रम अन्तरगत विदेशबाट रोजगारी गुमाएर फर्किएका र कृषि प्राविधिक पढेर वेरोजगार बनेका ६० जनालाई र अति विपन्न कार्यक्रम अन्तरगत विपन्न, द्धन्द पिडित र अपांग गरी १५ जनालाई तरकारी खेतिका लागि टनेल, १६ लिटरको स्प्रे ट्यांकी र ५ लिटरको हजारी तथा च्याउ खेतिका लागि टनेल, १६ पोका वीउ र २ लिटको स्प्रे ट्यांकी सहयोग गरिएको छ । युवा स्वरोजगारका लागि १० लाख र अति विपन्न कार्यक्रमका लागि ३ लाख गरी कुल १३ लाखमा विभिन्न सामग्रिहरु सहयोग गरिएको नगरको कृषि शाखाले जनाएको छ । चालु आर्थिक वर्षका लागि स्विकृत कार्यक्रम अनुसार रोजगारी सृजनाका लागि कृषि सामग्रि सहयोग गरिएको नगरपालिकाका कृषि अधिकृत प्रेमवहादुर खत्री बताउनुभयो ।
अहिले सामग्रि सहयोग गरिएको र अव टनेलका लागि टहरो निर्माणमा पनि नगरपालिकाले सहयोग गर्ने उहाँले बताउनुभयो । उहाँका अनुसार युवा स्वरोजगार कार्यक्रम अन्तरगत ६० जनालाई बाँसको टहरो बनाउनका लागि ६ हजारका दरले र विपन्न, द्धन्दपिडित तथा अपांगलाई ९ हजारका दरले खर्च उपलब्ध गराईने छ । टहरो निर्माण भएपछि त्यसको अनुगमण गरेर मात्र उक्त खर्च उपलब्ध गराईने बताईएको छ । नगर प्रमुख देविलाल गौतमले रोजगारी सृजनाका लागि नगरपालिका तत्पर रहेको बताउनुभयो । सरकारी जागिरी मात्र रोजगारी नभएको भन्दै उहाँले जुन काम गर्यो त्यहि रोजगारी भएको र त्यसको कदर गर्न उहाँले सबैलाई आग्रह गर्नुभयो । साथै उहाँले पाएका सामग्रिको सदुपयोग गर्न भन्नुभएको छ ।
नगरपालिकाले यसअघि पनि वरोजगारलाई लक्षित गरेर विभिन्न सामग्रि वितरण गरेको र त्यसको अनुगमण गर्न बाँकी रहेको बताउनुभयो । ‘सरकारी अनुदान र सहयोगको दुरुपयोग भैइरहेको गुनासाहरु आईरहेका छन्, अव हामि अनुगमन गर्छौ, त्यस्तो पाईएमा कारवाहि हुन्छ, तपाईहरुले पनि दुरुपयोग गर्नुभयो भने कारबाहिको भागिदार हुनुपर्छ ।’ नगरपालिका आर्थिक समृद्धिको बाटोमा अगाडि बढिरहेको र यसका लागि कृषिमा लगानि बढाईएको समेत उहाँले स्पस्ट पार्नुभयो । सामग्रि पाएपछि कृषि उद्यम गर्न सहज हुने वडा नं. ४ सोलावाङका घमण्डकुमार खड्काले विश्वास व्यक्त गर्नुभयो । आफु १२ बर्ष भन्दा बढी साउदी अरवमा बसेर कोभिड–१९ का कारण वेरोजगार बनेर घर फर्किएको र अव कृषिमै केहि गर्ने सोच बनाएका बेला स्थानीय सरकारले सहयोग गरेपछि आफुलाई सहज हुने उहाँको विश्वास छ ।
आज नगरपालिकाको कार्यालय शेरिगाउँमा एक कार्यक्रमका विच सामग्रि हस्तान्तरण गरिएको हो । नगर प्रमुख देविलाल गौतम, उप–प्रमुख प्रेमकुमारी सुनार, निमित्त प्रमुख प्रशासकिय अधिकृत नरविर खड्का, कृषि अधिकृत प्रेमवहादुर खत्री लगायतले सामग्रि हस्तान्तरण गर्नुभएको हो ।
1701086972.jpg)
