आधारभुत स्वास्थ्य केन्द्रको सेवा आफ्नै भवनबाट

स्थानीय सरकार

Home
स्थानीय सरकार
आधारभुत स्वास्थ्य केन्द्रको सेवा आफ्नै भवनबाट

आधारभुत स्वास्थ्य केन्द्रको सेवा आफ्नै भवनबाट

कखरा संवाददाता बिहीबार, फागुन १३, २०७७

मुसीकोट नगरपालिका १२, को आधारभुत स्वास्थ्य सेवा केन्द्रको भवन ।

रुकुम पश्चिमको मुसीकोट नगरपालिका १२, को आधारभुत स्वास्थ्य केन्द्रले आफ्नै भवनबाट सेवा प्रवाह सुरु गरेको छ । यस अघि भाडाको घरबाट सेवा प्रवाह गरिरहेको केन्द्रले अब भने आफ्नै भवनबाट सेवा प्रवाह थालेका हो । केन्द्रको आफ्नै भवन बनेपछि सेवा प्रवाह पनि आफ्नै भवनबाट प्रवाह गर्न थालिएको हो ।

पूरेनीचौरमा संघीय सरकारको अनुदानमा आधारभुत स्वास्थ्य केन्द्रको भवन बनेको थियो । स्वास्थ्य केन्द्र इन्चार्ज यशोदा केसीले आफ्नै कार्यालयबाट सेवा प्रवाह थालिएको जानकारी दिनुभयो । यस अघि साँघुरो ठाउँबाट असजिलोकाबीच सेवा प्रवाह गरिरहेकामा अब भवन बनेपछि भने सेवा प्रवाह गर्ने स्वास्थ्यकर्मी तथा सेवाग्राहीलाई समेत सजिलो भएको इन्चार्ज केसीले बताउनुभयो ।

मुसीकोट नगरपालिका प्रमुख देविलाल गौतमले स्वास्थ्य केन्द्रको भवन उद्घाटन गर्नुभएको थियो । जनताको नजिक नजिक स्वास्थ्य सेवा प्रवाहको उद्देश्य अनुरुप नगरपालिकाले काम गरिरहेको नगरप्रमुख गौतमले बताउनुभयो । आधारभुत स्वास्थ्य सेवा जति सक्यो जनताको नजिक र पहुँचमा लैजानका लागि नगरपालिका हरतरहले लागिरहेको भन्दै नगरप्रमुख गौतमले त्यसै अनुसार हरेक वडामा आधारभुत स्वास्थ्य केन्द्र स्थापना गरेर सञ्चालनमा ल्याइएको बताउनुभयो ।

‘सबै वडामा आधारभुत स्वास्थ्य केन्द्र सञ्चालनमा आइसकेका छन्, त्यसमध्य केहीको भवन बनसिकेको र अरुको पनि छिट्टै बन्ने गरी योजना बनेको छ,’ नगरप्रमुख गौतमले भन्नुभयो । पहिला स्वास्थ्य चौकी भएका बाहेक अरु सबै वडामा आधारभुत स्वास्थ्य केन्द्र सञ्चालन गरिएको नगरपालिकाले जनाएको छ ।

प्रकाशित मिति: बिहीबार, फागुन १३, २०७७ १३:२८

प्रतिक्रिया दिनुहोस्