रुकुम पश्चिमको बाँफिकोट गाउँपालकाले पनि आगामी आर्थिक वर्ष २०८०÷०८१ का लागि बजेट ल्याएको छ । आइतबारको गाउँसभामा बजेट पेश गरिएको हो । गाउँपालिकाले ५५ करोड ५ लाख १० हजार बराबरको बजेट ल्याएको छ । जसमा चालु खर्च ३५ करोड ६३ लाख ७७ हजार १ सय ३३ रुपैयाँ रहेको छ ।

त्यस्तै पुँजीगत तर्फ १९ करोड ४१ लाख ६८ हजार ८ सय ६६ रुपैयाँ रहेको गाउँकार्यपालिका प्रवक्ता प्रकाश खत्रीले जानकारी दिनुभयो । बजेटको स्रोत भने निश्चित भइनसकेकोले बजेट पास गर्दासम्म सार्वजनिक गरिने उहाँले बताउनुभयो ।

प्रदेश सरकारको सम्पूर्ण बजेट सिलिङ आइनसकेकोले प्रमाणित बजेट असार ३० गते सार्वजनिक गर्ने उहाँको भनाई छ । साथै गाउँसभाले भु–उपयोग कार्यविधि २०८० पास गरेको छ ।