ठुला ठुला भाषण र कुर्सीमा बसेर शासन 
कति दिन चलाउँछौ जनताबाट उठाएर रासन

कुर्सीबाट झरेर हेर महसुस गर पिडा जनताको
छुवाछुत विभेद हत्या हिंसा हटाउने अझै गर्दै छौ भाषण ?

एक शिक्षित आत्मनिर्भर महिला त हिंसामा हुन्छे
तर तिमीलाई चाहिने रातो कार्पेट र स-सम्मान आसन ?

सरकारी पोसाकमै त अपशब्द र दुर्व्यवहार गर्न सक्छन्
कोही दूर दराज गाउँ बस्तीमा नदेऊ समृद्धिको आश्वासन ।।
 
तुलसा पुन मगर
चौ.न.पा.-१४, रुकुम पश्चिम
हाल: मुस्ताङ