रुकुम पश्चिमको सानीभेरी गाउँपालिकाले पत्रकार महासंघ रुकुम पश्चिमका  सचिव दीपेन्द्र महतारा सहित ३० जना व्यक्तिलाई सम्मान गरेको छ । गाउँपालिकाको १७ औँ अधिवेशनको अवसर गाउँपालिकाले विभिन्न माध्यमबाट योगदान पुर्‍याउने व्यक्तिलाई सम्मान गरेको हो । महासङ्घका सचिव महतारा रुकुम पश्चिमबाट प्रसारणमा रहेको रेडियो सानीभेरी एफ एममा  कार्यक्रम उत्पादकको रूपमा समेत कार्यरत हुनुहुन्छ । 

गाउँपालिकाले प्रत्यक्ष तथा अप्रत्यक्ष रूपमा पालिकालाई चालू आर्थिक वर्ष २०८१ /०८२ मा योगदान पुर्‍याउने ३० जना व्यक्तिलाई नगद सहित सम्मान पत्रले सम्मान गरेको सानीभेरी गाउँपालिकाका प्रमुख प्रशासकीय अधिकृत दीपक बुढाथोकीले जानकारी दिनुभयो । उहाँका अनुसार पालिकाभरबाट कक्षा ५, ८ र १० बाट उत्कृष्ट नम्बर प्राप्त गर्ने विद्यार्थीलाई सम्मान गरिएको छ  ।

त्यस्तै उत्कृष्ट विव्यस अध्यक्ष, उत्कृष्ट कृषक, उत्कृष्ट पालिकामा कार्य सम्पादन गर्ने कर्मचारी लगायतलाई सम्मान गरिएको उहाँले जानकारी दिनुभयो ।