रुकुम पश्चिमको त्रिवेणी गाउँपालिकाले १६ औं जिल्लास्तरिय राष्ट्रपती रनिङ शिल्ड प्रतियोगितामा पदक प्राप्त गर्ने खेलाडीलाई सम्मान गरेको छ । आज शिक्षा युवा तथा खेलकुद शाखामा एक कार्यक्रको आयोजना गरी सम्मान गरेको हो । शिल्डमा पदक प्राप्त गर्ने सवै खेलाडीलाई त्रिवेणी गाउँपालिका अध्यक्ष गनेशकुमार केसीले अविर तथा दोसल्ला लगाएर सम्मान तथा बधाइ व्यक्त गर्नुभएको हो ।

आइतबार मुसिकाेटमा सम्पन्न १६ औं जिल्लास्तरिय राष्ट्रपती रनिङ शिल्डमा त्रिवेणी गाउँपालिका तेस्रो भएको थियो । पालिकाले कताते तर्फ ७ र तेक्वादोतर्फ १ र कवडीतर्फ १ गरी कुल ९ स्वर्ण पदक प्राप्त गरेको थियो । भने ५ रजत र १५ काश्य  गरी कुल त्रिवेणीले  २९ पदक प्राप्त गरेको थियाे । त्यस्तै आठविकोट नगरपालिका १६ स्वर्ण सहित प्रथम हुँदा १२ स्वर्ण पदक प्राप्त गर्दै मुसिकाेट नगरपालिका दोस्रो भएको थियो ।

शिक्षा शाखा प्रमुख मानबहादुर विश्वकर्माको अध्यक्षतामा भएको बधाई तथा सम्मान कार्यक्रममा गाउँपालिका अध्यक्ष केसीको प्रमुख आतिथ्यता रहेको थियो । त्यस्तै कार्यक्रममा २ नम्बर वडा सदस्य भिमदत्त बुढाथोकी, शिक्षा अधिकृत ओविराम रोका, प्रशासन सहायक लिलामणी दाहाल लगायत खेलाडीहरुको उपस्थिती रहेको थियो । कार्यक्रमको सहजिकरण शिक्षा शाखाका प्रास सुरेश पुनले गर्नुभएको थियो ।