लायन्स इन्टरनेशनल डिस्ट्रिक्ट ३२५ एन नेपाल अन्तर्गत स्थापना भएको लायन्स क्लब अफ मुसिकोट खलंगाको चार्टर हस्तान्तरण कार्यक्रम सम्पन्न भएको छ । मुसिकोट नगरपालिका ५ सेरिगाउँ स्थित होटेल श्रीमा चार्टर हस्तान्तरण कार्यक्रम आयोजना गरिएको थियो । कार्यक्रमा डिस्ट्रिक्ट गभर्नर तथा प्रमुख अतिथि टिकाराम चपाईले पानसमा दिप प्रज्वलन गरेर कार्यक्रमको उद्घाटन गर्नुभएको थियो ।

त्यस्तै  प्रमुख अतिथि चपाइले क्लबलाई आधिकारिक रूपमा चार्टर हस्तान्तरण गर्नुभएको हो । प्रमुख अतिथि चपाइले क्लबको स्थापना, उद्देश्य तथा भावी कार्ययोजनाबारेमा समेत प्रस्ष्ट पार्नु भएको थियो । लायन्स अभियान मानवीय सेवामा केन्द्रित रहेको उल्लेख गर्दै नवगठित लायन्स क्लब अफ मुसिकोट खलंगाले सामाजिक उत्तरदायित्वका क्षेत्रमा प्रभावकारी भूमिका निर्वाह गर्ने विश्वास समेत उहाँले व्यक्त गर्नुभयो । चार्टर हस्तान्तरणसँगै क्लबले आफ्नो औपचारिक यात्रा प्रारम्भ गरेको छ ।

कार्यक्रममा क्लबका पदाधिकारी तथा सदस्यहरूलाई चार्टर पेपर तथा प्रमाणपत्र वितरण गरिएको थियो । भने लायन्स क्लव मुसिकोटले प्रमख अतिथि, विशेष अतिथि र अतिथिलाई  मायाको चिनो प्रदान गरेको थियो । लायन्स क्लब अफ मुसिकोट खलंगाका अध्यक्ष जयबहादुर थापले  क्लवले आगामी दिनमा शिक्षा, स्वास्थ्य, वातावरण संरक्षण, विपद् व्यवस्थापन तथा सामाजिक सेवाका विविध क्षेत्रमा समुदायमुखी कार्यक्रम सञ्चालन गर्ने प्रतिबद्धता समेत व्यक्त गर्नुभएको छ । क्लवको मुख्य उदेश्य आर्थिक लाभ नभइ सामाजिक कार्य गर्ने रहेको उहाँको भनाई थियो ।

लायन्स क्लबको स्थापनाले जिल्लामा सामाजिक सेवाका गतिविधिलाई थप सशक्त बनाउन सहयोग पुग्ने विस्वास व्यक्त गरिएको छ  । डिस्ट्रिक्ट गभर्नर चपाइको प्रमुख आतिथ्यतामा भएको कार्यक्रमा पूर्व डिस्ट्रिक्ट गभर्नर मुकुट ढकाल र  उपाध्यक्ष चिन्तामुनी धितालको विषेश आतिथ्यता रहेको थियो । कार्यक्रममा क्लबका पदाधिकारी तथा सदस्यहरू, विद्यार्थी, पत्रकार लगायतको सहभागिता हरेको थियो । कार्यक्रमको संचालन लायन्स क्लव मुसिकोटका सचिव विमलकुमार पुनले गर्नुभएको थियो ।