नायगाडमा पालिका अस्पताल शिलान्यास, चुनवाङमा हुन सकेन

स्थानीय सरकार

Home
स्थानीय सरकार
नायगाडमा पालिका अस्पताल शिलान्यास, चुनवाङमा हुन सकेन

नायगाडमा पालिका अस्पताल शिलान्यास, चुनवाङमा हुन सकेन यो वर्ष अस्पतालका लागि समान ७० लाख बजेट प्राप्त

कखरा संवाददाता सोमबार, मंसिर १५, २०७७

नायगाडमा पालिका अस्पताल शिलान्यास गर्दै सिस्ने गाउँपालिका अध्यक्ष कुमारी बराल र उपाध्यक्ष गोबद्र्धन बुढा लगायत ।

रुकुम पूर्वको सिस्ने गाउँपालिका–२, नायगाडमा ५ शैय्याको अस्पताल शिलान्यास भएको छ । गाउँपालिका अध्यक्ष कुमारी बरालले अस्पतालको शिलान्यास गर्नुभयो । हाल स्वास्थ्य चौकी रहेको ठाउँमा अस्पताल निर्माण हुन लागेको हो । जिल्लाका दुई स्थानीय तहमा ५/५ शैय्याका अस्पताल निर्माण हुन लागेका छन् । सिस्ने गाउँपालिका र भुमे गाउँपालिका अस्पताल निर्माणका लागि छनौटमा परेपनि भुमेमा भने आज अस्पताल शिलान्यास हुन सकेन् । वडा नं. ९ को चुनवाङमा अस्पताल निर्माण हुने छ । विभिन्न कारणले आज अस्पताल शिलान्यास हुन नसकेको गाउँपालिकाले जनाएको छ । केहि दिनमा अस्पतालको शिलान्यास हुने र तोकिएको समयभित्रै अस्पताल निर्माण हुने गाउँपालिका अध्यक्ष रामसुर बुढाले जानकारी दिनुभयो ।

संघीय सरकारको सहयोगमा देशभरका सात वटै प्रदेशका तीन सय ९६ स्थानीय तहमा ५, १० र १५ शैय्याका अस्पताल निर्माण हुँदै छन् । जसअनुसार रुकुम पूर्वका दुई स्थानीय तहका दुर्गममा अस्पताल निर्माण हुन लागेको हो । अस्पताल निर्माणका लागि यो वर्ष ७० लाख बजेट प्राप्त भएको छ । अस्पतालका लागि बाँकी रकम अर्को वर्ष प्राप्त हुने छ । दुर्गममा अस्पताल निर्माण भएमा दुर्गमका नागरिकहरुलाई सहज हुने छ । एम.वि.वि.एस. डाक्टर सहितका स्वास्थ्यकर्मिको व्यवस्था सहित अस्पताल संचालन हुन लागेपछि दुर्गमका नागरिकहरु हर्षित भएका छन् । अहिलेसम्म स्वास्थ्य चौकीबाट सामान्य स्वास्थ्य सेवा पाईरहेका नागरिकहरु डाक्टरबाट घर आँगनमै स्वास्थ्य सेवा पाईने भन्दै हर्षित भएका हन् ।

जिल्लाको सबैभन्दा दुर्गम पालिकाका रुपमा रहेको पुथाउत्तरगंगा गाउँपालिका भने अस्पतालका लागि छनौटमा पर्न सकेन । कोलमा अस्पताल संचालनका लागि सिफारिस गरिएकामा आवश्यक जग्गा उपलब्ध हुन नसकेपछि अस्पतालका लागि छनौटमा पर्न नसकेको बताईएको छ । कोलमा हाल प्राथमिक स्वास्थ्य केन्द्र संचालनमा छ । त्यहाँ डाक्टरको दरबन्दि छ । तर नियमित रुपमा डाक्टर नबस्दा त्यहाँका नागरिकहरुले भरपर्दो स्वास्थ्य सेवा पाउन सकेका छैनन् ।

प्रकाशित मिति: सोमबार, मंसिर १५, २०७७ २१:०७

प्रतिक्रिया दिनुहोस्