रुकुम पश्चिमका ७३ वडामध्य कसले कति वडा जिते ?

स्थानीय सरकार

Home
स्थानीय सरकार
रुकुम पश्चिमका ७३ वडामध्य कसले कति वडा जिते ?

रुकुम पश्चिमका ७३ वडामध्य कसले कति वडा जिते ?

कखरा संवाददाता शनिबार, जेठ ७, २०७९

मुसीकोट नगरपालिका ६ को वडाध्यक्षमा निर्वाचित नेकपा माओवादी केन्द्रका भानु मल्ल ।

वैशाख ३० गते भएको स्थानीय तहको निर्वाचनको अन्तिम मत परिणाम आइसकेको छ । रुकुम पश्चिमका ६ वटै स्थानीय तहका सबै वडामा मत गणना सकिसकेको छ । कति स्थानीय तहका प्रतिनिधिले पदभारग्रहण पनि सकिसकेका छन् । ३ नगर ३ गाउँपालिकाका ७३ वडा छन् । तीन नगरपालिका मुसीकोट, चौरजहारी र आठबीसकोट नगरपालिकामा १४/१४ वडा छन् ।

बाँफिकोट, त्रिवेणी गाउँपालिकामा १०/१० वडा छन् । सानीभेरी गाउँपालिकामा ११ वडा छन् । ७३ वडामध्य ५१ वडामा माओवादीले जितेको छ । नेपाली कांग्रेसले १९ वडा जित्दा नेकपा एमालेले २ वडा जितेको छ भने स्वतन्त्रले १ वडा जितेका छन् । जिल्लाका ६ वटै स्थानीय तहमा माओवादीले बढी वडा जितेको छ । मुसीकोट नगरपालिकामा माओवादीले ८ र नेपाली कांग्रेसले ६ वडा जितेको छ ।

क्र.स.	राजनीतिक दल	स्थानीय तह	जितेका वडा	जम्मा	कैफियत
१	नेकपा माओवादी केन्द्र	मुसीकाेट नगरपालिका	८	५१
		चाैरजहारी नगरपालिका	११
		आठबीसकाेट नगरपालिका	१०
		सानीभेरी गाउँपालिका	९
		बाँफिकाेट गाउँपालिका	८
		त्रिवेणी गाउँपालिका	५
२	नेपाली कांग्रेस	मुसीकाेट नगरपालिका	६	१९
		चाैरजहारी नगरपालिका	३
		आठबीसकाेट नगरपालिका	२
		बाँफिकाेट गाउँपालिका	२
		सानीभेरी गाउँपालिका	२
		त्रिवेणी गाउँपालिका	४
३	नेकपा एमाले	आठबीसकाेट नगरपालिका	२	२
४	स्वतन्त्र	त्रिवेणी गाउँपालिका	१	१

चौरजहारी नगरपालिकामा माओवादीले ११ वडा जित्दा कांग्रेसले ३ वडा जितेको छ । आठबीसकोट नगरपालिकामा माओवादी केन्द्रले १० वडा जित्दा एमाले र कांग्रेसले २/२ वडा जितेका छन् । सानीभेरी गाउँपालिकामा माओवादीले ९ र कांग्रेसले २ वडा जितेको छ । बाँफिकोट गाउँपालिकामा माओवादीले ८ र नेपाली कांग्रेसले २ वडा जितेको छ ।

त्रिवेणी गाउँपालिकामा माओवादीले ५, नेपाली कांग्रेसले ४ र स्वतन्त्रले १ वडा जितेका छन् । मुसीकोटको प्रमुख कांग्रेसले जित्दा उपप्रमुख एकीकृत समाजवादीले जितेको छ । चौरजहारीको प्रमुख उपप्रमुख, र आठबीसकोटको प्रमुख उपप्रमुख माओवादी केन्द्रले जितेको छ । सानीभेरी र त्रिवेणी गाउँपालिकाको अध्यक्ष, उपाध्यक्ष दुवैमा माओवादी केन्द्रका उम्मेदवार निर्वाचित भएका छन् । बाँफिकोट गाउँपालिका अध्यक्षमा कांग्रेसले जित्दा उपाध्यक्षमा भने माओवादीले जितेको छ ।

प्रकाशित मिति: शनिबार, जेठ ७, २०७९ १४:४२