बुद्धिप्रसाद बुढाको जीवनमा अनौठो संयोग छ । मुसीकोट नगरपालिका–८, का अध्यक्ष रहेका बुढाले ४० वर्षको उमेरमा तीन महत्वपूर्ण क्षेत्रमा काम गर्नुभयो । छुट्टाछुट्टै यी तीन क्षेत्रमध्य दुई क्षेत्र पूरा काम गर्नुभयो भने एउटा क्षेत्रमा उहाँ क्रियाशिल हुनुहुन्छ । नेपालमा सञ्चालित दश वर्षे जनयुद्धको क्रममा बम, बारुद पड्काउने तथा हातहतियारको ट्रिगर चलाएका बुढाका हात त्यसपछि गाडिको स्टेरिङमा घुमे । १५ वर्षकै कलिलो उमेरमा २०५४ सालदेखि पूर्णकालिन बनेर देश र दुनिया बदल्न हिडेका बुढाको दिमाग र शरीर परिवर्तनका खातिर चल्यो । केही समय विद्यार्थी संगठनमा काम गर्नुभएका बुढा २०५५ सालमै तत्कालिन २ नम्बर प्लाटुन सदस्य भएर लडाइमा होमिनुभयो ।
प्लाटुनको सेक्सन भिसि अर्थात भाइस कमाण्डर, सेक्सन कमाण्डर, प्लाटुन भिसि हुँदै उहाँ बटालियन कमान्डरसम्म पुग्नु भएको थियो । २०६१ सालमा उहाँ बटालियन कमाण्डर हुनुभयो । यस अवधिमा बुढाले ३० बढी युद्ध लड्नुभयो । शान्ति स्थापना भएपछि सेना समायोजनको क्रममा समायोजन नरोजेर घर फर्किनु भएका बुढाको झण्डै ४ वर्ष अर्को क्षेत्रमा वित्यो । दिमाग र शरीर अर्को काममा तल्लिन रहे । गाडिको स्टेरिङ घुमाउनै व्यस्त रहनुभयो । हरेक घुम्तीमा दिमाग र हातले स्टेरिङ घुमाइरहेका बुढा तीन वर्ष यता भने सरकार चलाइरहनुभएको छ । २०७४ सालको वैशाख ३१ गते भएको स्थानीय तहको निर्वाचनमा निर्वाचित भएपछि बुढाले वडा सरकार हाँकिरहनु भएको छ ।
चुनावी एजेण्डा थिए– सडक, विद्युत र सञ्चार । जनताका आधारभुत आवश्यक्ता बनिसकेका यी तीन विकास वडाका सबैतिर पुर्याउने बाचा बुढाले गर्नुभएको थियो । सोही अनुसार गाउँमा विद्युतिकरण अन्तिम चरणमा पुगेको छ भने सडक सबैतिर फैलिसकेको छ । लसुनबारी बाहेकका गाउँ सडक सञ्जालमा जोडिसकेका छन् । सञ्चारको काम भइरहेको छ ।
अपहरण शैलिमा दिइएको थियो टिकट
उहाँ गाडि लिएर भूमे गाउँपालिकाको लुकुम जानु भएको थियो । त्यहाँबाट फर्कने क्रममा बाटोमै उहाँलाई वडाध्यक्षको टिकट दिइएको थियो । त्यस अघि पनि पटक पटक वडाध्यक्षको टिकट लिन आग्रह गर्दा उहाँले त्यसलाई स्वीकार्नु भएको थिएन । अन्तिममा सम्बन्धित वडाकै जनता कहाँ पुर्याइएपछि मात्रै उहाँ निर्वाचन लड्ने हुनुभएको थियो । तत्कालिन नेकपा माओवादी केन्द्रबाट चुनाव जितेपछि उहाँ भौतिक विकास, उत्पादन, सचेतना निर्माणमा लाग्नुभएको छ । अरु क्षेत्र भन्दा यो क्षेत्र उहाँलाई विशिष्ट लागेको छ । सम्वेदनशिल र महत्वपूर्ण लागेको छ ।
निर्वाचनताका उहाँले मुख्य गरी तीन वटा विषय अघि सार्नु भएको थियो । चुनावी एजेण्डा थिए– सडक, विद्युत र सञ्चार । जनताका आधारभुत आवश्यक्ता बनिसकेका यी तीन विकास वडाका सबैतिर पुर्याउने बाचा बुढाले गर्नुभएको थियो । सोही अनुसार गाउँमा विद्युतिकरण अन्तिम चरणमा पुगेको छ भने सडक सबैतिर फैलिसकेको छ । लसुनबारी बाहेकका गाउँ सडक सञ्जालमा जोडिसकेका छन् । सञ्चारको काम भइरहेको छ । वडाका सबैतिर सजिलै मोवाइल फोनले काम गर्ने गरी काम अघि बढेको छ । रुकुम पूर्व सिस्ने गाउँपालिका ६, मा नेपाल टेलिकमको टावर निर्माण कार्य अघि बढेको छ । यसले वडाका सबै वस्ति फोनको पहुँचमा पुग्ने बुढाले बताउनुभयो । आफ्नै वडाको भूगोलमा टावर राख्न उपयुक्त नभएपछि अर्कोपट्टि टावर बनाएर भएपनि सञ्चार सुविधा पुर्याउन लागिएको वडाध्यक्ष बुढाले जानकारी दिनुभयो ।
बुढा निर्वाचित भएपछिका तीन वर्षमा लसुनबारी बाहेकका गाउँमा सडक पुग्यो । लसुनबारीमा यो वर्ष पुग्दैछ । आधारभुत विद्यालय लसुनबारीका २ कोठे विद्यालय भवन बन्यो । घोरखानीमा महिला सामुदायिक र गाउँघर क्लिनिकको भवन बन्यो । उदिन ढुङ्गामा गाउँघर स्वास्थ्य चौकीको भवन बनेको छ । क्वाम्मा खोलामा आलु भण्डार र अल्लो प्रशोधन गरी २ भवन तयार भएका छन् । नहर र पाइप सिचाई योजना सम्पन्न भए । त्रिसिङ र घट्टेखोलाका ७० घरपरिवार सिचाइको पहुँचमा पुगेका छन् । नरह र पाइप मार्फत सिचाइ योजना बनेका छन् । त्रिसिङ–घट्टेखोलामा नहर बनेको छ भने उदिन ढुङ्गामा पाइप मार्फत सिचाइ योजना सम्पन्न भएको छ । ८ वटा खानेपानीका नयाँ योजना बनेका छन् । ठोक्लावाङ, तावले, काप्रिवास, किटेनी, गर्पा, घोरखानी, सल्लेधारा र किक्रिवाङमा खानेपानी योजना निर्माण भएका छन् । यी ८ योजनाबाट डेढ सय घरधुरीमा खानेपानीको पहुँच पुगेको छ । ६ वटा पूराना खानेपानीका योजना मर्मत भएका छन् । वडामा एउटा दश कक्षा सम्मको विद्यालय सञ्चालनको योजना बनाइएको छ ।
वडाका अधिकांश वस्ति पछि परेका छन् । सबैतिर सजिलै र सहज पहुँच राख्न सक्ने सर्वसाधारणको संख्या कम छ । विशेष गरी सर्वसाधारणको जीवन स्तर फेर्ने विषय मुल चुनौतीको विषय भएको बुझाई वडाध्यक्ष बुढाको छ । धेरै परिवर्तन हुँदा पनि केही व्यक्तिको मात्रै जीवन स्तरमा फेरबदल हुनुले व्यवस्थाप्रति नै प्रश्न उठेको अध्यक्ष बुढाले बताउनुभयो । समग्र तीन तहकै सरकार जनताको जीवन स्तर उकास्नका लागि लाग्न सके त्यसबाट मात्रै केही परिवर्तन हुन सक्ने बुझाई वडाध्यक्ष बुढाको छ ।
कृषि उत्पादनलाई वडाले प्राथमिकता दिएको छ । आलु, कागती र किविमा जोड गरेको छ । वडाले आफै विरुवा, बीउ वितरण गरेको तथा किसानलाई आफै यसमा लगानी गर्न आह्वान गरिएको छ । कागती पकेट क्षेत्रका लागि १४ हजार विरुवा वितरण गरिएको छ । ८ क्वुइन्टल आलुको बीउ किसानले निःशुल्क पाएका छन् । कागती हुर्कने क्रममा छन् भने आलुबाट किसानले आम्दानी सुरु गरिसकेका छन् । यो वर्ष मात्रै एक जना किसानले ५० हजारदेखि २ लाख ५० हजारसम्मको आम्दानी आलुबाटै गरेका छन् । वडाका १ सय १७ घरधुरीमध्य झण्डै ९० घरधुरीले व्यवसायिक आलु उत्पादन गरिरहेका छन् । यस बीचमा त्रिसिङको आधारभुत विद्यालयको कक्षा थप भएको छ । त्यस अघि ५ कक्षा सम्म सञ्चालन भएको उक्त विद्यालयमा हाल ७ कक्षा सम्म पठन पाठन भइरहेको छ । घरघरै सामाजिक सुरक्षा भत्ता लिएर वडाध्यक्ष बुढा आफै पुग्नुहुन्छ ।
भौतिक विकासको साथै सचेतनामूलक कार्यक्रम पनि भइरहेका छन् । भौतिक विकासको साथै सामाजिक सचेतना बृद्धि गर्नुपर्ने चुनौती छ । वडाका अधिकांश वस्ति पछि परेका छन् । सबैतिर सजिलै र सहज पहुँच राख्ने सक्ने सर्वसाधारणको संख्या कम छ । विशेष गरी सर्वसाधारणको जीवन स्तर फेर्ने विषय मुल चुनौतीको विषय भएको बुझाई वडाध्यक्ष बुढाको छ । धेरै परिवर्तन हुँदा पनि केही व्यक्तिको मात्रै जीवन स्तरमा फेरबदल हुनुले व्यवस्थाप्रति नै प्रश्न उठेको अध्यक्ष बुढाले बताउनुभयो । समग्र तीन तहकै सरकार जनताको जीवन स्तर उकास्नका लागि लाग्न सके त्यसबाट मात्रै केही परिवर्तन हुन सक्ने बुझाई वडाध्यक्ष बुढाको छ । एउटा निकायले एउटा र अर्को निकायले अर्को तरिकाले कामकाज गर्ने तौरतरिकाले नै सोचे जस्तो भौतिक र मानविय विकास हुन नसकेको ठहर वडाध्यक्ष बुढाको छ । अबका दुई वर्ष पनि उहाँले केही भौतिक र बढी सचेतना निर्माणमा ध्यान दिने योजना बनाउनु भएको छ । वडाबासीलाई आत्मनिर्भर बनाउने र त्यसका लागि उत्पादनमूलक कार्यक्रम बनाउने तथा कार्यान्वयनमा जोड दिने उहाँले बताउनुभयो ।
1696245848.jpg)
