जनार्दनको मयूर नाच (फोटो, भिडिओ)

मनाेरन्जन

Home
मनाेरन्जन
जनार्दनको मयूर नाच (फोटो, भिडिओ)

जनार्दनको मयूर नाच (फोटो, भिडिओ) सबै नाच तथा बजाउन पाेख्त जनार्दनलाई मगंलबार दिनभर डिग्रे मेलामा पछ्याउँदा ।

कखरा संवाददाता बुधबार, कात्तिक २३, २०७९

जनार्दन शर्मा भन्ने वित्तिकै तपाई के बुझ्नु हुन्छ ? माओवादी नेता तथा हालका अर्थमन्त्री । तर उहाँको परिचय यतिमा मात्र सिमित छैन् । धेरैले राम्रो नाच्ने नचारुका रुपमा समेत उहाँलाई चिन्छन् । फुर्तिलो कद भएका जनार्दन जुनसुकै नाच होस वा बजाउने समुह भेटियोस सहभागि भइहाल्नुहुन्छ । कुनै ठाउँमा दमाहा बोकेर तालमा ताल मिलाएर दमाहा बजाउने प्रभाकर कुनै ठाउँमा मयुर तथा कुनै ठाउँमा सिंगारु, पैसेरु नाच्न थालिहाल्नुहुन्छ । उहाँ सबै स्थानीय नाचमा पोख्त हुनुहुन्छ ।

उहाँ सहभागि हुने कार्यक्रममा उहाँलाई ननचाई न आयोजक मान्छ नत नाच समुहले मान्छन् । आग्रह आउने वित्तिकै नेता शर्मा सहर्ज नाचमा सहभागी हुनुहुन्छ । शर्माको मयूर नाच्ने कलाले सबैको मन तान्ने गरेको छ । मयूरका सबै तालमा उत्तिकै पोख्त शर्मा अभ्यस्त नचारु भन्दा कत्ति कम लाग्दैन् । मयूरको अगुवालाई कुन तालमा नाच्ने भनेर सोध्ने शर्मा अगुवाले भनेकै तालमा कत्तिपनि तलमाथि नगरी नाच्नुले कार्यक्रमका सहभागिहरुको ध्यान तान्ने गरेको छ ।

यो उमेरमा पनि उहाँको फुर्तिमा कत्ति कमि भएको पाइदैन् । एकै दिनमा धेरै समुहमा सहभागी भएर घण्टौं नाच्न पनि उहाँ सक्नुहुन्छ । अहिले रुकुम पश्चिममा गठबन्धनका चुनावी सभाहरु भइरहेका छन् । जुन ठाउँमा पुग्दा पनि उहाँलाई स्वागत गर्नेको चर्को भिड लाग्छ । जुन ठाउँ पुग्नुहुन्छ उही ठाउँमा नाच्नुहुन्छ, रमाउनुहुन्छ । उहाँसंगै नेपाली कांग्रेसका पुराना नेता तथा पूर्व राज्यमन्त्री गोपालजि जंग शाह पनि सकि नसकि नेता शर्मासंगै नाच्ने प्रयास गर्नुहुन्छ ।

गठबन्धनको कार्यक्रम भएकोले नेता शर्मा र शाह जतापनि संगै संगै हुनुहुन्छ । यो टोली मंगलबार रुकुम पश्चिमको प्रसिद्ध डिग्रे मेला पुग्यो । त्यहाँ पनि नेता शर्मा मेलामा सहभागि सबै नाच समुहमा सहभागी हुँदै नाच्नुभयो । मयूर, सिंगारु, पैसेरु नाचमा अर्थमन्त्री शर्मा मंगलबार दिनभर डिग्रे मेलामा रमाउनुभयो । उहाँलाई कांग्रेस नेता शाहले साथ दिनुभयो । जताजता जनार्दन उतैउतै नाच भन्दा फरक फदैन ।