गायक तथा सर्जक तिलक परियारलाई सङ्गीत तथा नाट्य विधाको प्रादेशिक पुरस्कार २०८१ प्रदान गरिएको छ । रुकुम पश्चिमका परियारलाई नेपाल सरकार संस्कृति, पर्यटन तथा नागरिक उड्डयन मन्त्रालयबाट आज ५० हजार नगद पुरस्कार सहित सम्मानित गरिएको हो ।  

मन्त्रालयले विभिन्न चार वटा विधामा पुरस्कृत गरेकोमा परियार सङ्गीत तथा नाट्य विधाको कर्णाली प्रादेशिक पुरस्कारबाट परियार पुरस्कृत हुनुभएको हो । पुरस्कार पाउनेको विवरण यसअघि नै सार्वजनिक गरिए पनि आज एक कार्यक्रमका बिच पुरस्कार वितरण गरिएको हो । 

रुकुम पश्चिमको सानीभेरी गाउँपालिका वडा नम्बर ३ का गायक परियारका रिम्ना दोभान, सगालैका बारीमा, सुनको भमरा लगायतका गीत चर्चित छन् ।