मौलिकाता झल्काउने ‘सुन मैना’

मनाेरन्जन

Home
मनाेरन्जन
मौलिकाता झल्काउने ‘सुन मैना’

मौलिकाता झल्काउने ‘सुन मैना’

कखरा संवाददाता शुक्रबार, जेठ २१, २०७८

पछिल्लो समयमा नेपाली सांगितिक बजारमा लोक बिधाले धेरैको मन जितिरहेको छ । त्यसमा झन् मौलिक गीतहरु सबैको मन मुटुमा बसिरहेका छन् । ठाँउ अनुसारमा आ–आफ्नै मौलिक पन र परिवेश छन् । रत तेहि परिवेश अनुसार शब्द र भाका पनि छन् । कलाकारहरुले आफ्नो ठाउँका यथार्थ मौलिक परिवेशलाई लोक गीतमा उतार्ने गरेका छन् ।

यसै मध्यको एउटा मौलिक बिधा हो ‘सिंगारु’ । विशेषत साविकको मध्यपश्चिम क्षेत्रको मौलिक परिवेश र पहिचान हो ‘सिंगारु’ । अझ भन्दा सल्यान, रुकुम तिर यो भाकालाई औधी रुचाइन्छ र गाइन्छ पनि । पछिल्लो समयमा यस ठाँउका कलाकार सर्जकहरुले आफ्नो मौलिक परिवेशलाई जिवित राखिराख्न र अरुसामु पहिचान दिने उदेश्यले यो भाकालाई प्राथमिकता दिने क्रम बढ्दो छ । यसैक्रममा रुकुमेली सर्जकहरुले मौलिक पहिचान सहितको सिंगारु गीत ‘सुन मैना’ बजारमा ल्याएका छन् ।

मौलिक गीतहरुलाई विशेष प्राथमिकता दिएर शब्द संगीत सिर्जना गर्दै आउनुभएका भद्र नकालले भाका बनाउनुभएको हो भने प्रस्तुति चक्रराज खड्काको रहेको छ । चन्द्र खड्काको शब्द रहेको गीतमा रुकुम पश्चिमका गायक गोपाल ओली ‘स्पन्दन’ र रुकुम पूर्वकी गायिका उर्मिला गौतमको श्वर रहेको छ । गीतले साविकको मध्यपश्चिम क्षेत्र भित्रको मौलिक परिवेशलाई झल्काउने प्रयास गरेको छ । जिएस नेपाल युट्युब च्यानल मार्फत यो गीत सार्वजनिक गरिएको छ ।