मोडेल राम बि पुनको नयाँ साङ्गीतिक कोसेली ‘तिमीलाई हेरि हेरि’ बजारमा आएको छ । रुकुम पश्चिमका मोडल पुनको दोस्रो प्रस्तुति बजारमा आएको हो । केही समय अगाडी नव मोडलको उपाधि समेत जितेका पुनको ‘तिमीलाई हेरि हेरि’ शुक्रवार सार्वजनिक गरिएको हो । चर्चित गायिका अन्जु पन्तको स्वरमा सजिएको गीतको म्युजिक भिडिओमा राम र चर्चित मोडल सारिका केसी फेरि एक पटक फिचर्ड छन् ।
यसअघि आएको रामको पहिलो गीतमा पनि यही जोडी देखिएको थियो । तकदिर २ माया गर्छु म मा यो जोडीलाई दर्शकले धेरै रुचाएका थिए । दोस्रो गीतले पनि राम्रो भ्युज र सकारात्मक प्रतिक्रिया पाइरहेको छ । यो समाचार तयार पार्दासम्म यो गीतले १ लाख ५ हजार भन्दा बढी पटक भ्युज पाइसकेको छ । यस गीतको शब्द गायक, मोडल तथा सर्जक रोशन सिंहले लेख्नुभएको हो ।
यस गीतमा सङ्गीत र कोरियोग्राफी विक्रम चौहानको छ । यो गीत सारिका केसी युट्युब च्यानलबाट सार्वजनिक भएको हो । रुकुम पश्चिमको सानीभेरी गाउँपालिका ३ का रामु पुन पेसाले इन्जिनियर हुनुहुन्छ । उहाँले आफ्नै कन्सल्टेन्सी सञ्चालन गरिरहनुभएको छ । विभिन्न सामाजिक सेवामा उहाँ तल्लीन हुनुहुन्छ । सानैबाट गीत सङ्गीतमा रुचि राख्ने पुन पछिल्लो समय साङ्गीतिक क्षत्रमा जम्दै जानुभएको छ ।





-1759842583.jpg)