फागुन २१ गते सम्पन्न प्रतिनिधि सभा सदस्य निर्वाचनमा प्रगतिशील लोकतान्त्रिक पार्टी रुकुम पश्चिमका उम्मेदवार जनार्दन शर्माले  २८ लाख २५ हजार रुपैयाँ  खर्च गर्नुभएको छ । शर्माले आज खर्च विवरण सार्वजनिक गर्नुभएको हो । उक्त खर्च विवरणमा उहाँले २८ लाख २५ हजार खर्च भएको उल्लेख गर्नुभएको छ । प्रतिनिधि सभा सदस्य निर्वाचन ऐन २०७४ को दफा ७२ तथा आयोगद्वारा स्वीकृत निर्वाचन आचारसंहिता बमोजिम निर्वाचन खर्च विवरण सार्वजनिक गर्नुभएको हो । 

उक्त खर्च विवरण अनुसार सबै भन्दा बढी खाना आवासमा १५ लाख रुपैयाँ खर्च भएको छ । त्यस्तै झण्डा, व्यानर प्रचारप्रसारमा ४ लाख ५० हजार, गाडी ४ लाख २० हजार, पेट्रोल डिजेलमा ३ लाख २० हजार, मतदाता नामावलीमा २५ हजार,  मनोनयन दर्ता १० हजार र अन्यमा १ लाख खर्च भएको उल्लेख गर्नुभएको छ ।

पुर्व सहकर्मी नेकपाका गोपाल शर्मा निर्वाचित भएको रुकुम पश्चिममा प्रगतिशील लोकतान्त्रिक पार्टीका शर्मा तेस्रो हुनुभएको थियो । यहाँ नेपाली काङ्ग्रेस दोस्रो भएको थियो ।  निर्वाचन सप्पन्न भएको ३० दिनभित्र  निर्वाचन खर्च  सार्वजनिक गरी निर्वाचन आयोग समक्ष पेश गर्नुपर्ने व्यवस्था रहेको छ  ।