गायिका कल्पना विकले उत्कृष्ट नव गायिकाको उपाधि जित्नुभएको छ । रुकुम पश्चिमको आठबिसकाेट नगरपालिकाकी कल्पनाले नुवाकाेटमा आयोजित नवौँ राष्ट्रिय रनिङ शिल्ड दोहोरी गीत प्रतियोगितामा नव गायिकाको उपाधि जित्नुभएको हो ।

उहाँले १५ हजार नगद प्राप्त गर्नुभएको छ । प्रतियोगिता राष्ट्रिय लोक तथा दोहोरी गीत प्रतिष्ठानले आयोजना गरेको हो । उहाँ कर्णाली `ख´ बाट सहभागी हुनुहुन्थ्यो ।

सानै देखि गीत गाउने रुचि भएकी कल्पना साङ्गीतिक क्षेत्रमा जम्ने प्रयास गरिरहनुभएको छ । उहाँका धेरै गीत बजारमा छन् । उहाँ हाल राजधानीमै रहेर साङ्गीतिक क्षेत्रमा आबद्ध हुनुहुन्छ ।

यो सफलताले आफूलाई थप हौसला मिलेको उहाँले बताउनुभयो ।