त्रिवेणि गाउँपालिकाको बजेट ४४ करोड

स्थानीय सरकार

Home
स्थानीय सरकार
त्रिवेणि गाउँपालिकाको बजेट ४४ करोड

त्रिवेणि गाउँपालिकाको बजेट ४४ करोड

कखरा संवाददाता मंगलबार, असार १५, २०७८

छैठाैं गाउँसभामा बजेट पेश गर्दै गाउँपालिका उपाध्यक्ष निर्मला बिष्ट ।

रुकुम पश्चिमको त्रिवेणि गाउँपालिकाले आगामी आर्थिक वर्ष २०७८/०७९ का लागि ४४ कराेड बढीको बजेट ल्याएको छ । आज छैठौं गाउँसभामा गाउँपालिका उपाध्यक्ष निर्मला बिष्टले आगामी आर्थिक वर्षका लागि ४४ करोड २४ लाख ९३ हजार बजेट पेश गर्नुभयो । कुल बजेट मध्य चालु तर्फ ३२ करोड ८९ लाख ९३ हजार पाँच सय रहेको छ । यो कुल बजेटको ७४.३५ प्रतिशत हो । पुँजीगत तर्फ भने कुल बजेटको २५.६५ प्रतिशत अर्थात ११ करोड ३४ लाख ९९ हजार ५५ मात्र रहेको छ । गाउँपालिकाले विभिन्न स्रोतबाट प्राप्त हुने बजेटलाई आगामी आर्थिक वर्षका लागि विभिन्न शिर्षकमा विनियोजन गरेको हो ।

१ करोड बजेट आन्तरिक राजश्वबाट प्राप्त हुने अनुमान गरिएको छ । संघीय सरकार वित्तीय समानीकरण अनुदानबाट ९ करोड, संघीय सशर्त अनुदानबाट २२ करोड ३९ लाख १४ हजार प्राप्त हुने बजेट बक्तव्यमा उल्लेख छ । शसर्त अनुदानबाट प्राप्त हुने कुल बजेट मध्य १ करोड ९ लाख समपूरक र २ करोड ८५ लाख विशेष तर्फ रहेको छ । त्यस्तै संघीय सरकार राजश्व बाँडफाँडबाट ६ करोड ६५ लाख बजेट प्राप्त हुने गाउँपालिकाको अनुमान छ ।

प्रदेश सरकार सशर्त अनुदानबाट ३ करोड ५४ लाख ४७ हजार प्राप्त हुनेमा १ करोड ७० लाख समपूरक र विशेष तर्फ ६० लाख रहेको छ । प्रदेश सरकार राजश्व बाँडफाँडबाट ४ लाख ११ हजार प्राप्त हुने अनुमान छ । यसका साथै चालु आर्थिक वर्ष २०७७/०७८ मा खर्च हुन नसकेको ६९ लाख बजेट पनि गाउँपालिकाले आगामी आर्थिक वर्षमा खर्च गर्ने भएको छ ।

प्रकाशित मिति: मंगलबार, असार १५, २०७८ १३:०७